फिल्म ‘पुर्ण बहादुरको सारङ्गी’को सक्सेस पार्टी आयोजना गरिएको छ । आइतबार बेलुकी काठमाडौंमा आयोजना गरिएको एक भव्य कार्यक्रममा फिल्मीकर्मी, पत्रकार र विभिन्न क्षेत्रका व्यक्तिहरुको उपस्थितीमा फिल्मको सफलता कार्यक्रम आयोजना गरिएको हो ।
यो कार्यक्रममा फिल्मसँग जोडिएका कलाकार र प्राविधिकहरुलाई बोनस समेत वितरण गरिएको थियो । विनोद पौडेलले बनाएको यो फिल्मलाई सरोज पौडेलले लेखन तथा निर्देशन गरेका हुन् ।
फिल्ममा विजय बराल, प्रकाश सपुत, मुकुन भुषाल, अन्जना बराइली लगायतका कलाकारहरुको अभिनय छ । तर, कार्यक्रममा सपुत उपस्थित भएनन् । सुपतको टिमसँग अझै असन्तुष्टि छ कि भन्ने देखिएको छ ।
कार्यक्रममा फिल्मका दुई निर्माता प्याट्रिक सुवेदी र रमेश ढकाल पनि उपस्थित भएनन् ।
यो कार्यक्रममा दुई नयाँ फिल्म निर्माणको पनि घोषणा गरिएको थियो । कार्यक्रममा ‘रोल नम्बबर १ र पूर्ण बहादुरको सारङ्गी २’ निर्माणको घोषणा गरियो ।
जसमध्ये, आउँदो बर्ष ‘रोल नम्बर १’ रिलिज हुनेछ भने वि.सं २०८३ सालमा फिल्म ‘पूर्ण बहादुरको सारङ्गी २’ रिलिज हुनेछ ।
अब यी दुबै फिल्म सेभेन सिज सिनेमाले निर्माण गर्नेछ ।
प्रतिक्रिया