महोत्सवबाट विश्राम लिएर ‘मोहर’को छायांकनमा पल

नायक पल शाहले महोत्सवको दौडधुपबाट विश्राम लिएका छन् । विगत एक महिनादेखि देशमा आयोजना भइरहेका थुप्रै महोत्सवमा पल शाहको दौडधुप थियो ।

तर, अब भने उनी फिल्म छायांकनमा फर्किएका छन् । महोत्सवको दौडधुपका क्रममा पलले फागुनको १४ गतेबाट रिलिजमा आउन लागेको फिल्म ‘मायाबी’को पनि धुमधाम प्रचार गरेका थिए ।

तर, अब उनी ओम प्रतिकको निर्देशनमा बन्न लागेको फिल्म ‘मोहर’को छायांकनमा लागेका छन् । सोमबारदेखि पलले यो फिल्मको छायांकन सुरु गरेका हुन् ।

काठमाडौंको कागेश्वरीस्थित गागलफेदीबाट उनले छायांकन सुरु गरेका हुन् । यो फिल्ममा पलको जोडीको रुपमा नायिकाद्धय बेनिशा हमाल र नीति शाह देखिदैछन् ।

यो फिल्ममा मिथिला शर्मा, लक्ष्मी गिरी, रविन्द्र झा लगायतका कलाकारहरुको पनि अभिनय रहनेछ । चुम्बन जंग शाहीले लगानी गरेको फिल्मको छायांकन काठमाडौंसँगै रोल्पा र दाङमा पनि हुनेछ ।

दिपेन बस्नेतको छायांकनमा कुमार महर्जनको एक्सन रहेको यो फिल्ममा सुरेश अधिकारी र एसडी योगीको संगीत रहनेछ ।