फागुनको १४ गतेबाट रिलिजमा आउन लागेको फिल्म ‘लाज शरणम्’को टिजर सार्वजनिक गरिएको छ । वैदेशिक रोजगारीमा गएका नेपालीहरुको कथामा यो फिल्म बनेको टिजरबाट वुझ्न सकिन्छ । टिजरमा कलाकारहरुको हाउभाउ र पात्र परिचय गराइएको छ ।
गरिबी र बेरोजगारीका कारण नागरिकले पाइरहेको दुःखको कथालाई यो फिल्म उठान गरेको वुझ्न सकिन्छ । फिल्मको टिजरमा कलाकार सिताराम कट्टेल हाबी छन् । पोष्टरमा उनको चर्चा भएपछि निर्माणपक्षले टिजरमा उनलाई नै बढी स्थान दिएको हो ।
साथमा फिल्ममा मुकुन्द श्रेष्ठ, महेश त्रिपाठी, विजय बराल, अर्पण थापा, रेणू योगी, विजय लामा, माला लिम्बु, अर्जुन घिमिरे, सागर लम्साल, हरिष निरौला, प्रियाना आचार्य, कमलमणि नेपाल लगायतका कलाकारहरुको अभिनय छ ।
कुमार कट्टेलले यो फिल्मको निर्देशन गरेका हुन् । जेपिटी क्रियसनको व्यानरमा निर्माण भएको फिल्ममा नवीन श्रेष्ठको लगानी छ । राम नरेश शाह र श्रृजना खड्का सह–निर्माता रहेको फिल्ममा सुदिप ढकालको छायांकन छ ।
प्रतिक्रिया