फागुनको २३ गतेबाट फिल्म ‘होस्टेल ३’ रिलिजमा आउँदैछ । यो फिल्मको ‘टिक टिक टिक’ गीतले दर्शकको साथ पाइरहेको छ । यसैबिच, यसको निर्माणपक्षले फिल्ममा समावेश दोस्रो गीत ‘मनमा अनौठो’ सार्वजनिक गरेको छ । यो गीतको अडियोले दर्शकको मन जित्ने अपेक्ष ागर्न सकिन्छ ।
भिडियोमा कलाकार पारस बम र सिम्रन पन्त फिचरिङ छन् । गीतमा शब्द तथा संगीत अर्जुन पोखरेलको छ भने रेश्मा पुन र उकेश रावलको स्वर छ । यो गीतले दर्शकको मन छुने विश्वास गर्न सकिन्छ । प्रवीण सिंहले भिडियोको कोरियोग्राफी गरेका हुन् । सशान कँडेलको निर्देशनमा तयार भएको यो फिल्मलाई माधव शर्माले लेखेका हुन् ।
फिल्मले क्याम्पस जीवनका संघर्ष, मित्रता, रमाइला पलहरुलाई समेटेको छ । यो फिल्ममा रिहान गिरी, आशिष घिमिरे, पदम तामाङ, हेना नगरकोटी, सम पराजुली लगायतका कलाकारहरुको पनि अभिनय छ ।
सम्मान इन्टरटेन्मेन्टले आरोन कन फिल्मस्सँग सहकार्य गर्दै यो फिल्मको निर्माण गरेको हो । सुरेश कँडेल, कर्ण कार्की र गोविन्दा अधिकारी निर्माता रहेको फिल्मका कार्यकारी निर्माता शंकर कोइराला हुन् ।
फिल्ममा अर्जुन तिवारीको डीओपी, वुद्ध थापा र मनोज खत्रीको सिनेमाटोग्राफी, विकास दाहालको सम्पादन, हिमाल केसीको एक्सन छ ।
प्रतिक्रिया