नेपालको जिल्ला अदालत काठमाडौंले युगान्डाकी एक महिलालाई वेश्यावृत्तिमा लगाएको मुद्दामा १० वर्षको कैद र ५० हजार रुपैयाँ जरिवाना सुनाएको छ। यस मुद्दामा नतासा भनिने इम्माकुलेट नाबासुम्बा नामकी महिला दोषी ठहरिइन्।
अदालतले भनेको छ कि विदेशीहरू नेपालमा वेश्यावृत्तिका लागि आउनु र यसलाई प्रोत्साहित गर्ने कार्य चिन्ताजनक छ। यसप्रकारको कार्यले नेपालको अन्तर्राष्ट्रिय छविमा नकारात्मक प्रभाव पार्न सक्छ। अदालतले यस्तो गतिविधि रोक्न र कानुनी पालनामा सबैलाई प्रतिबद्ध हुनुपर्ने आवश्यकता उल्लेख गरेको छ।
युगान्डाकी पीडित युवतीलाई दुबई, नेपाल र श्रीलंकामा काम दिने आश्वासन दिइ, उनलाई वेश्यावृत्तिमा लगाउन नेपाल ल्याइएको थियो। पीडित युवतीले प्रहरीलाई दिएको बयानअनुसार, उनले शारीरिक दुव्यवहार सहनु परेको र पैसा नदिने, उपचार नगर्ने जस्ता दमन भोग्नु परेको बताइन्।
अदालतले दोषीलाई १० वर्षको कैद र ५० हजार रुपैयाँ जरिवाना मात्र होइन, पीडितलाई ८० हजार रुपैयाँ क्षतिपूर्ति पनि दिन आदेश दिएको छ। यस घटनाले नेपालमा विदेशी नागरिकलाई वेश्यावृत्तिमा जबर्जस्ती लागाउनको संवेदनशीलता र चिन्ताजनक पक्षलाई उजागर गरेको छ।
प्रतिक्रिया