काठमाडौँ- दलित अभियन्ता खगेन्द्र सुनार सोमबार संसद भवन प्रवेश गर्न खोज्दा प्रहरीले पक्राउ गरेको छ। उनी अन्तरजातीय विवाह गरेका सतेन्द्र राम र नेहा रौनियारको न्यायको माग गर्दै संघीय संसद भवन, नयाँ बानेश्वर जान खोज्दा नियन्त्रणमा लिइएको हो।
काठमाडौं प्रहरी परिसरका प्रमुख एसएसपी विश्व अधिकारीका अनुसार सुनारलाई संसद भवन प्रवेश गर्न नदिई पक्राउ गरिएको हो।
यसअघि पनि सुनार गत साउन २९ गते हातखुट्टामा नेल लगाएर माइतीघरबाट संसद भवन प्रवेश गर्ने प्रयास गरेका थिए, तर प्रहरीले उनलाई त्यही दिन बेलुका रिहा गरेको थियो।
‘दलितको लागि दलित अभियान’ नेपालका संयोजक रहेका सुनारले गृहमन्त्री रमेश लेखककै निर्देशनमा अन्तरजातीय विवाह गर्ने जोडीमाथि गैरकानूनी दमन गरिएको भन्दै विरोध जनाउँदै आएका छन्।
प्रतिक्रिया