सुनको भाउ आज तोलामा २ हजार ७ सय रुपैयाँले घट्यो

काठमाण्डौ – आज सुनको मूल्य दुई हजार सात सय रुपैयाँले घटेर एक लाख ६७ हजार पाँच सय रुपैयाँ पुगेको छ। नेपाल सुनचाँदी व्यवसायी महासङ्घका अनुसार, गत शुक्रबार सुनको मूल्य तोलामा एक लाख ७० हजार दुई सय रुपैयाँ थियो।

त्यस्तै, आज चाँदीको मूल्य पनि घटेको छ। चाँदीको मूल्य तोलामा १५ रुपैयाँले घटेर एक हजार नौ सय ५५ रुपैयाँमा कारोबार भइरहेको महासङ्घले जनाएको छ। यस अघि, शुक्रबार चाँदीको मूल्य तोलामा एक हजार नौ सय ७० रुपैयाँ थियो।