काठमाडौँ- नेपाल नागरिक उड्डयन प्राधिकरणले त्रिभुवन अन्तर्राष्ट्रिय विमानस्थलको स्तरोन्नतिको भौतिक प्रगति ६० प्रतिशत पूरा भएको जनाएको छ। स्तरोन्नति कार्य कात्तिक २३ देखि माघ १८ सम्म १० घन्टा विमानस्थल बन्द गरेर सुरु गरिएको थियो, र सोमबारसम्म ६० प्रतिशत काम सम्पन्न भएको जानकारी दिइएको छ।
धावनमार्गका ७५ मिटर वरिपरिका काम सकिएसँगै माघ १९ देखि उडान समयमा थप दुई घन्टा बढाइएको थियो। अब, फागुन २० देखि थप एक घण्टा विमानस्थल खुल्ला राखिनेछ। यसअघि विमानस्थल बेलुका ११ बजे देखि बिहान ७ बजे सम्म बन्द हुने गर्थ्यो।
यस कार्यले १ करोड वार्षिक यात्रुको सेवा लिन सक्ने पूर्वाधार तयार गर्नेछ। विमानस्थलको स्तरोन्नतिको काम सकिएपछि धावनमार्गको क्षमता २० प्रतिशत बढ्ने अपेक्षासहित, एयर ट्राफिक कन्ट्रोललाई व्यवस्थापन गर्न सजिलो, उडान अवतरणमा ढिलाइ कम हुने र हवाई सुरक्षामा सुदृढीकरण हुने प्राधिकरणको भनाइ छ।
प्राधिकरणका सूचना अधिकारी ज्ञानेन्द्र भुलले भने, समानान्तर ट्याक्सी वे निर्माण, ह्यांगर क्षेत्र विस्तार र इन्टरनेसनल एप्रोनतर्फको प्रगति उत्साहजनक छ। हामी विश्वास गर्छौं कि सबै काम तोकिएको समयमै सम्पन्न हुनेछ।
प्रतिक्रिया