काठमाडौँ- अमेरिकामा दादुराको प्रकोप बढ्दै गएको छ, विशेषगरी बालबालिकामा यसको जोखिम बढेको अमेरिकी सेन्टर फोर डिजीज कन्ट्रोल एन्ड प्रिभेन्शन सीडीसी ले सन् २०२३ को अन्त्यसम्म चेतावनी दिएको छ।
अमेरिकाको टेक्सास राज्यमा दादुराका करिब १६० घटना रिपोर्ट भएका छन्, र यो प्रकोप महिनौंसम्म चल्न सक्ने आशंका व्यक्त गरिएको छ। टेक्सास राज्य स्वास्थ्य सेवा विभागका अनुसार, सप्ताहन्तमा मात्रै एक दर्जन नयाँ दादुराका घटनाहरू पत्ता लागेका छन्।
राज्य स्वास्थ्य विभागका आयुक्त डा। जेनिफर शुुफोर्डले सोमबार अस्टिनमा जनस्वास्थ्य समितिसँगको सुनुवाईमा भने, हामीलाई थाहा छ कि पछिल्लो १० वर्षमा संयुक्त राज्य अमेरिकामा देखा परेका अन्य प्रकोपहरू महिनौंसम्म चल्ने भएका छन्, र केही प्रकोपले १० महिनासम्म पनि समय लिएको थियो।ू
दादुराका सबै घटनाहरू खोप नगरिएका व्यक्तिहरूमा फेला परेका छन्, र अधिकांश केसहरू ५ देखि १७ वर्ष उमेरका बालबालिकामा देखिएका छन्। टेक्सासमा फेब्रुअरी २६ मा दादुराका कारण अमेरिकामा पहिलो मृत्युको रिपोर्ट गरिएको थियो, जुन खोप लगाएका विद्यालय जाने उमेरका बच्चाको थियो।
दादुरा एक अत्यधिक सङ्क्रामक श्वासप्रश्वास रोग हो, जसका कारण श्वासमा समस्या र अन्य गम्भीर स्वास्थ्य समस्या उत्पन्न हुन सक्छ। स्वास्थ्य अधिकारीहरूले दादुराको प्रकोपबाट बच्नका लागि खोप लगाउने महत्त्वमा जोड दिएका छन्।
प्रतिक्रिया