सत्तारूढ नेपाली कांग्रेसका सांसद रामहरि खतिवडाले अमेरिकाले दिएको सहयोगको विषयमा श्वेतपत्र जारी गर्न सरकारसँग माग गरेका छन्। बिहीबारको प्रतिनिधि सभा बैठकमा सांसद खतिवडाले भने, अमेरिकाले दिएको सहयोग दुरूपयोग भयो भन्ने कुरा बारम्बार चर्चा भइरहेका छन्, त्यसकारण के भएको हो भन्ने खुलाएर श्वेतपत्र जारी गरियोस्।”
उनले सोधेका छन्, “अमेरिकाले कति रकम सहयोग दिएको हो र त्यसको प्रयोग क-कसले गरेका हुन्?” सांसद खतिवडाले नेपाल सरकार र अर्थमन्त्रालयलाई यस्ता विषयमा श्वेतपत्र जारी गर्नुपर्ने बताउँदै, त्यसबारे सबै जनतालाई स्पष्ट जानकारी दिन आग्रह गरे।
सांसद खतिवडाले यस्तै सन्देश पनि दिएका छन् कि कुनै पनि देशले अन्य देशका नागरिकलाई फर्काउँदा अमानवीय व्यवहार गर्न नहुने छ। उनले भने, “नेपालीहरूलाई फर्काउँदा पनि अमानवीय व्यवहार हुनु हुँदैन। यो काम जोसुकैले गरेको भए पनि विश्वव्यापी मानवअधिकारको मूल्य र कानुनी दायरामा रहेर मानवीय व्यवहार गर्नुपर्छ।
साथै, उनले पत्रकारको प्रेस पास खोसिनु लोकतन्त्रको लागि उपयुक्त नभएको भन्दै असहमतिका साथ टिप्पणी गरे।
प्रतिक्रिया