काठमाडौँ- आजको प्रतिनिधि सभा बैठकमा सांसदहरूले विभिन्न मुद्दामा सरकारसँग ध्यानाकर्षण गराए। सांसद निशा डाँगीले नेपालमा वितरण भइरहेको नुनमा विश्व स्वास्थ्य सङ्गठन ले तोकेको मापदण्डभन्दा बढी आयोडिन भएको भन्दै तत्काल नियन्त्रणको माग गरिन्। उनले नेपाल साल्ट्रट्रेडिङ करर्पोरेशनले नुन वितरण गर्दा आयोडिनको मात्रा अत्यधिक रहेको पाइएकाले सरकारको ध्यानाकर्षण गराउँदै तत्काल अध्ययन गरेर नियन्त्रण गर्न आग्रह गरिन्।
सांसद नैनकला थापाले अन्तर्राष्ट्रिय श्रमिक दिवसको अवसरमा महिलाका अधिकार र महिला आन्दोलनको महत्वका बारेमा कुरा गर्दै, अझै महिला अधिकारको कार्यान्वयनमा बढी ध्यान दिनुपर्नेमा जोड दिइन्।
सांसद प्रतिमा गौतमले ुहेनोफोलियाु भन्ने आनुवंशिक रोगको बारेमा ध्यानाकर्षण गर्दै यसबारे कानुनी व्यवस्था कार्यान्वयनमा ध्यान दिन आग्रह गरिन्।
सांसद प्रतिक्षा तिवारीले महिला समान कामको समान ज्यालाको मुद्दा उठाउँदै, एक सय १५ वर्ष बितिसक्दा पनि महिलाले यो अधिकार नपाएको भन्दै सरकारको ध्यानाकर्षण गराइन्।
सांसद प्रभु हजाराले ठूला र साना उद्योगहरूमा उधारो कारोबारले समस्या सिर्जना गरेको उल्लेख गर्दै, उच्चस्तरीय आयोगले दिएको कानुनी सुधारको सुझाव कार्यान्वयन गर्न माग गरे।
सांसद प्रेमबहादुर मर्हजनले ललितपुरको कुपण्डोलमा भएको आगलागीको घटनामा ८० लाख रुपैयाँको क्षति भएको जानकारी दिँदै पीडितलाई क्षतिपूर्ति उपलब्ध गराउन माग गरे।
सांसद विमला सुवेदीले महिला समितिको गठनको लागि संसद्को नियमावलीको २५७ अनुसार उचित कदम चाल्न माग गरिन्।
सांसद दिलेन्द्रप्रसाद बडूले दार्चुलामा गत वर्षको बाढीका कारण क्षतिग्रस्त संरचनाको पुनःनिर्माणको माग गरे।
यस प्रकार, आजको बैठकमा सांसदहरूले विभिन्न सामाजिक, आर्थिक र कानुनी मुद्दामा सरकारसँग ध्यानाकर्षण गर्दै समाधानको माग गरेका छन्।
प्रतिक्रिया