काठमाडौँ पूर्वराजा ज्ञानेन्द्र शाह आइतबार अपरान्ह पोखराबाट काठमाडौँ आएका छन्। उनले त्रिभुवन विमानस्थलमा अवतरण गरेपछि विमानस्थलको द्वारमा उनका समर्थकहरुले भव्य स्वागत गरेका छन्।
दिउँसोदेखि नै विभिन्न स्थानबाट राजावादीहरू विमानस्थलसम्म र्यालीसहित पुगेका थिए। विमानस्थलको द्वारमा पूर्वराजाले आफ्ना समर्थकहरूको अभिनन्दन स्वीकार गरे, र गाडीबाट उभिएर उनीहरूले गरेको नाराबाजीलाई ध्यानपूर्वक सुने।
पूर्वराजाका समर्थकहरूका अनुसार, यो स्वागत राजसंस्थाका पक्षमा जनताको समर्थनको प्रतीक हो। विमानस्थलमा भएको यो कार्यक्रममा राजावादी कार्यकर्ताहरूले आफ्नो उत्साह र समर्थन व्यक्त गरेका थिए।
प्रतिक्रिया