कम्युनिष्टहरुलाई ज्ञानबहादुरको प्रश्नः राजा फर्किँदैनन् भने अस्तु पनि नभेटिने मार्क्स, लेलिन र माओ चाहीँ कसरी फर्किन्छन् र जनतालाई उल्लु बनाएको ?

राष्ट्रिय प्रजातन्त्र पार्टी (राप्रपा) का प्रवक्ता एवं प्रतिनिधि सभा सदस्य ज्ञानबहादुर शाहीले अस्तु पनि नभेटिने मार्क्स, लेलिन र माओको कुरा गरेर जनतालाई उल्लु बनाइसकेको टिप्पणी गरेका छन् । आज (बिहीबार) प्रतिनिधि सभाको बैठकलाई सम्बोधन गर्दै उनल राजा फर्किँदैनन् भन्नेहरुले जनतालाई मार्क्स, लेलिन र माओको नाममा उल्लु बनाइरहेको बताएका हुन् ।

‘राजा गइसक्यो, फर्किँदैन भन्नुहुन्छ । गइसकेको राजा फर्किँदैन भने अस्तु पनि नभेटिने मार्क्स, लेलिन र माओको खोज्यो भने अस्तु पनि भेटिँदैन । त्यो चाहीँ कसरी फर्किन्छ र जनतालाई उल्लु बनाइराख्नु भएको छ ?’ प्रश्न गर्दै उनले भने ।

साथै, पूर्वराजालाई राष्ट्रिय झण्डामुनि स्वागत गर्दा दलहरुको मुटु, कलेजो हल्लिएको उनले टिप्प्णी गरे । आन्दोलन नै गर्ने हो भने हालत के होला ? भन्दै उनले प्रश्नसमेत गरे । ‘हाम्रो राजालाई हामी नेपाली जनताले राष्ट्रिय झण्डामा स्वागत गरेको हो । कसैका विरुद्धको आन्दोलन होईन । स्वागत गर्दाखेरी त मुटु हल्लियो, कलेजो थर्कियो, धर्ती फाट्यो, आकाश फुट्यो भने तपाइँहरुको विरुद्ध आन्दोलन गर्नुपर्यो भने हालत के हुन्छ । यो कुरा याद गरेर संसद्मा आवाज उठाइदा विचार पुर्याइयोस्,’– उनले भने ।