काठमाडौं- काठमाडौंमा राजावादी कार्यकर्ताले यत्रतत्र आगजनी र तोडफोड गर्न थालेपछि जिल्ला प्रशासन कार्यालयले कर्फ्यू आदेश जारी गरेको छ। कर्फ्यू कोटेश्वर, तीनकुने र सिनामंगल क्षेत्रका तीन स्थानमा लागू गरिएको हो।
सुरक्षाकर्मीले माइकिङ गर्दै कर्फ्यूको जानकारी दिएका छन् र अर्को आदेश नभएसम्म यो कर्फ्यू जारी रहने जनाएको छ। कर्फ्यू आदेशपछि जनताको आवागमनमा कडाइ गरिएको छ।
आन्दोलनकारीहरूले काठमाडौंका विभिन्न स्थानमा तोडफोड गरेका छन्, जसमा नेकपा एसको आलोकनगरस्थित कार्यालय, कोटेश्वर भाटभटेनी र सिनामंगलस्थित नागरिक उड्डयन कार्यालय प्रमुख छन्। यी घटनामा प्रदर्शनकारीहरूले आगजनी र सम्पत्ति नष्ट गरेका छन्।
सुरक्षाकर्मीले कर्फ्यूको पालना गराउनका लागि निरन्तर निगरानी राखिरहेका छन्। स्थिति थप जटिल नहोस् भन्ने उद्देश्यले कर्फ्यू आदेश लागू गरिएको जनाइएको छ।
प्रतिक्रिया