राजेश हमालको ‘कमब्याक’ चलचित्र ‘नरसिंहा अवतार’ को सोमबार फस्टलुक सार्वजनिक हुँदै

काठमाडौं । अभिनेता राजेश हमाल सात वर्षपछि सिने क्षेत्रमा ‘कमब्याक’ गर्दैछन् । निर्माता निर्देशक दिवाकर भट्टराईले राजेशलाई पुनः सिने क्षेत्रमा ‘कमब्याक’ गराएका हुन् । राजेशको पछिल्लो चलचित्र ‘नरसिंहा अवतार’ को सुटिङ सम्पन्न भइसकेको छ । चलचित्रको अहिले पोस्ट प्रोडक्सनको काम भइरहेको छ ।

निर्देशक भट्टराईले सोमबार (चैत १८) ‘नरसिंहा अवतार’ को फस्ट लुक सार्वजनिक हुने जानकारी गराएका छन् । लामो ग्यापपछि पुनः फिल्मी क्षेत्रमा फर्केका राजेशको ‘नरसिंहा अवतार’ ले दर्शकमा छुट्टै प्रकारको कौतूहलता उत्पन्न गर्ने भट्टराईको दाबी छ । ‘नरसिंहा अवतार’ मा राजेशसहित सरोज खनाल, राज कटुवाल, नीति शाह, सनिशा भट्टराई, उषा खड्गीलगायतको अभिनय छ ।

एक्सन जनरामा बनेको चलचित्र चैत २९ का लागि रिलिज डेट फिक्स भएको थियो । तर सोही दिन ‘पिताम्बर’ र ‘कर्मा’ रिलिज हुने भएपछि प्रदर्शनमा नआउने भएको छ । निर्देशक भट्टराईले सोमबार नै नयाँ रिलिज डेट तोक्ने भएका छन् ।