प्रधानमन्त्रीले बोलाएको सर्वदलीय बैठकमा राजावादी दललाई ‘निषेध’

काठमाडौं । प्रधानमन्त्री केपी शर्मा ओलीले आइतबार साँझ सर्वदीलय बैठक बोलाएका छन् । बैठक आइतबार साँझ ७ बजे सिंहदरबारमा बस्ने भएको छ ।

बैठकमा गणतन्त्र पक्षधर दलहरू मात्रै सहभागी हुने बताइएको छ । उक्त बैठकमा राजावादी दल राष्ट्रिय प्रजातन्त्र पार्टीलाई सहभागी नगराइने भएको हो ।

बैठकमा नेपाली कांग्रेस, नेकपा एमाले, नेकपा माओवादी केन्द्र र राष्ट्रिय स्वतन्त्र पार्टीसहितका नेताहरू सहभागी हुनेछन् ।

बैठकमा शुक्रबार भएको राजावादीको उग्र र हिंसात्मक प्रदर्शनपछि गणतन्त्रवादीहरूलाई एकैठाउँ उभ्याउने कोसिस हुने बताइएको छ ।