किन दिए दीपकले ‘म राजावादी’ भन्दै स्पष्टिकरण

कलाकार दीपकराज गिरी फेरि एकपटक विवादमा मुछिएका छन् । चैत्र १५ गते काठमाडौंको तिनकुनेमा भएको राजावादीको आन्दोलनको अघिल्लो दिनमा एउटा भेलामा सहभागी भएका उनको आलोचना भइरहेको छ । आलोचना चर्को भएपछि दीपकले ‘म राजावादी’ भन्दै लामो स्टाटस कोरेका छन् ।

दीपकले लेखेका छन्–‘वि.सं २०४६ सालको आन्दोलनमा राजाको पक्षमा लागेर के के उपद्रो गरियो यहाँ उल्लेख नगरौं । मेरो राजावादी यात्रा ठोस रुपमा २०४६ पछि सुरु भएको हो । मूलूकमा प्रजातन्त्र स्थापनापछि राजनीति गर्ने रहर जागेर आयो । कुन विचार र दललाई अंगालौ भनेर अध्ययन गरियो र अन्त्यमा अहिलेका चर्चित शेरबहादुर ‘राजा’को पार्टी रोजियो । यस क्रममा गाउँ सचिब हँुदै नेबिसंघ काठमाण्डौं जिल्ला सदस्य समेत भइयो, गाउँ सचिब हुँदै नेविसंघ काठमाण्डौं जिल्ला सदस्य समेत भइयो । करिब एक दशक शेर बहादुर राजाकै पछि लागेपछि मेरो यात्रा राजनीतिबाट कलाकारितातर्फ मोडियो र सम्पूर्ण राजनीतिक क्रियाकलापलाई पूर्ण विराम दिइयो । कुनै पनि राजनीति गतिविधिमा लागिएन ।’

वि.सं २०६२–०६३ को आन्दोलनपछि प्रचण्ड राजाको क्रान्तिकारी तेजबाट प्रभावित भएको र उनी लगायतका नेताहरुलाई साथ दिएको दीपकको भनाई छ । त्यतिबेला फेरि एकपल्ट आफू राजवादी भएको उनको तर्क छ ।

दीपकले यसपछि फेरि केपी ओली राजाको फ्यान भएको तर्क गर्दै सो समयमा पनि आफू ‘राजावादी’ भएको लेखेका छन् ।
दीपकले चैत्र १५ गतेको आन्दोलनको एक दिन अगाडि सहभागी भएको भेलाको विषयमा भनेका छन्–‘आन्दोलनको ठिक एक दिन अघि एउटा कल आयो, एउटा बौद्धिक भेला हुँदैछ, जसले हाल देखिएको राजनीतिक धुव्रिकरणको बारेमा छलफल गर्नेछ । तपाइको बिचार के छ राख्नुहोला भनियो । त्यहाँ गएपछि आफ्नो स्वभाव बमोजिम सधै झै स्पष्ट रुपमा सकारात्मक बिचार राखियो । हाल समस्या त रहेको तर देश प्रचार गरे जस्तो पनि नबिग्रिएको, बिचार पोखियो । चियो खाइयो अनी आयो ।

भोलिपल्ट बिहानै आफू फेरि एकपल्ट राजाबादी भइसकेको आफूलाई पत्तो नै भएन ।

दीपकले बालेन र रवि आउँदा पनि समर्थन गरेको उल्लेख गर्दै भने–‘यहाँ नयाँ बिचार, नयाँ मान्छे आउने वित्तिकै यहाँ गणतन्त्रलाई पखाला चल्न थाल्छ । प्रजातन्त्र नै खतरामा पर्छ । यहाँ शासन व्यवस्था सञ्चालन गर्ने शैली राम्रो भएन भन्यो कि त्यो मान्छे गणतन्त्र विरोधी हुन्छ कि त राजाबादी हुन्छ ।’

आफ्नो स्टाटसको अन्तिममा दीपक लेख्छन्–‘तपाइहरुले नै राम्रोसँग राजकाज चलाउनुहोस् । तपाइहरुलाई नै राजा मानिरहेकी छु र मानिरहन पाउँ र सधै राजाबादी भइरहन पाउँ ।’

दीपकको यो भनाइमा कतिपयले आलोचना गरिरहेका छन् भने कतिपयले समर्थन पनि गरेका छन् ।