पूर्व मिस नेपाल तथा नेपाली फिल्मकी नायिका निकिता चण्डक भारतको मुम्बइमा रहेर आफ्नो भाग्य चम्काउँदैछिन् । उनको करिअर कसरी अगाडि बढ्छ त्यो हेर्न बाँकी छ ।
निकिताले बलिउडका सर्वाधिक सफल निर्देशक संजयलीला भन्सालीको फिल्ममा काम गर्दैछिन् । उनले, भन्सालीको कुन फिल्ममा काम गर्न लागेकी हुन् खुलेको छैन ।
तर, हालै मात्र उनले बलिउडका सफल नायक राजकुमार रावसँग एक विज्ञापनमा काम गरेकी छिन् । टीटी नामक गञ्जीको विज्ञापनमा उनलाई देख्न सकिन्छ ।
नायिका चण्डकले नै यो विज्ञापनको सानो भिडियो शेयर गरेकी छिन् । निकिताका लागि बलिउड यात्रा अगाडि बढाउँदै गर्दा यो विज्ञापन र राजकुमार रावसँगको पर्दा शेयर महत्वपूर्ण हुने देखिएको छ ।
निकिताले ‘साङ्लो’ फिल्मबाट नेपाली फिल्म क्षेत्रमा करिअर अगाडि बढाएकी हुन् । यसपछि उनले फिल्म ‘रावायण’को एक गीतमा नृत्य र ‘राजागञ्ज’मा अभिनय गरेकी छिन् ।
प्रतिक्रिया