‘वसन्त’को ‘हेर्दै आँखामा’ कति सुहायो प्रकाश र स्वस्तिमाको जोडी ?

चैत्रको २२ गतेबाट रिलिजमा आउन लागेको फिल्म ‘वसन्त’को ‘हेर्दै आँखामा’ सार्वजनिक भएको छ । यो गीतको भिडियोमा मुख्य कलाकारहरु नायक प्रकाश सपुत र नायिका स्वस्तिमा खड्का रोमान्टिक देखिएका छन् । नेपाल र भारतको गोवामा यो भिडियो खिचिएको छ ।

यो गीतले मानिस जुनसुकै जात, धर्म र वर्गको भएपनि एक नै भएको सन्देश दिने निर्देशक सपुतले जानकारी दिए । सार्वजनिक गीतमा मुख्य पात्रले धर्म र संस्कार अनुसार विवाह गरेको देखाइएको छ । सार्वजनिक भएको गीतमा सुगम पोखरेल र समीक्षा अधिकारीको स्वर, सपुतको शब्द र योगेशकाजी शाहको संगीत छ ।

सुशन प्रजापतिले खिचिको भिडियोमा केवीका खत्रीको कोरियोग्राफी, प्रविन भट्टको सम्पादन छ । यो फिल्ममा प्रकाश सपुत, स्वस्तिमा खड्का, प्रभात पाल ठकुरी, श्री शिभान्सी, उर्मिला लाम्गादे र खड्क बहादुर पुन, अनुप बराल, कमलमणी नेपाल, प्रकाश घिमिरे, विशाल पहारीको अभिनय छ ।

गलबन्दी प्रोडक्सनको प्रस्तुतिमा तयार भएको या फिल्ममा कथा, पटकथा तथा संवाद प्रकाश सपुतकै छ । मोहन विश्वकर्मा र बिन्दु बोहरा निर्माता रहेको फिल्मका कार्यकारी निर्माता अनुरोध भट्टराई, नाना थकाली र विरेन्द्र नारायण श्रेष्ठ हुन् ।
फिल्मले बक्स अफिसमा दर्शकलाई तान्ने अपेक्षा गरिएको छ ।