गणतन्त्रको पक्षमा युवा संघले निकाल्यो मोटरसाइकल जुलुस

काठमाडौं । एमालेले सोमबार देशभर गणतन्त्रको पक्ष र राजावादीको विरोधमा जनप्रदर्शनसहित जागरण सभा सुरु गरेको छ । यसैक्रममा एमाले भ्रातृसंगठन युवा संघले काठमाडौंसहित देशका विभिन्न सहरमा मोटरसाइकल जुलुस निकालेको छ ।
काठमाडौंको तीनकुनेमा युवा संघका अध्यक्ष क्षितिज थेवेको नेतृत्वमा सयौंको संख्यामा मोटरसाइकल ¥याली निकालिएको छ ।

जुलुसमा एमाले केन्द्रीय सदस्य विष्णु रिजालसहित अनेरास्ववियुका नेता कार्यकर्ता पनि सहभागी भएका थिए । उनीहरूले राजतन्त्र इतिहासको पानामा सीमित भइसकेको भन्दै फेरि आउने सपना नदेख्न चेतावनी दिएका थिए ।

जुलुसमा सहभागीहरूले शुक्रबारको तीनकुने घटनाको विरोध गरेका थिए । उनीहरूले व्यक्ति र सरकारी सम्पत्तिमा लुटपाट, तोडफोड र आगजनी गर्नेलाई कारबाहीको माग गरेका थिए । एमालेले जनतालाई लोकतान्त्रिक गणतन्त्रकालमा भएका विकास र उपलब्धिबारे सचेतना जगाउन जागरण अभियान थालेको हो ।