चैत्रको २९ गतेबाट रिलिजमा आउन लागेको फिल्म ‘कर्मा’मा समावेश ‘पागल’ बोलको गीत निर्माणपक्षले सार्वजनिक गरेको छ । यो गीतमा सुशान्तकै शब्द तथा संगीत छ ।
सार्वजनिक गीत रोमान्टिक छ । यसको हुक लाइन ‘पागल’ सामाजिक संजालमा हिट भइसकेको छ ।
यो गीतको भिडियोमा फिल्मका मुख्य कलाकारहरु नायक विपिन कार्की र नायिका उपासना सिंह ठकुरीलाई देखाइएको छ ।
उपासनालाई देखेपछि विपिनको मनमा पलाएको मायालाई गीतमा फिचरिङ गरिएको छ । यही गीतबाट सुशान्तले फिल्मको पाश्र्व गायनमा डेब्यू गरेका हुन् ।
फिल्ममा मुकुन भुसाल, दिव्य देव, सरिता गिरी, बेन बस्नेत, सुज्यान सिलवाल, अनिल वुढाथोकी, निर्मल शर्मा लगायतका कलाकारहरुको अभिनय छ । यो फिल्म ड्रामा, सस्पेन्स र एक्सनको मिश्रण हो ।
फिल्ममा सौरभ चौधरीको लेखन तथा निर्देशन छ । फिल्ममा भाष्कर स्वाँरको संगीत, कविराज गहतराजको कोरियोग्राफी, श्री श्रेष्ठको एक्सन, निमेष श्रेष्ठको सम्पादन छ ।
वसन्त लम्सालले निर्माण गरेको फिल्मले बक्स अफिसमा सुखद कमाई गर्ने विश्वास निर्माणपक्षले लिएको छ ।
प्रतिक्रिया