यो वर्षको पाँचौ ब्लकबस्टर कुन ?

आखिर, यो वर्षको पाँचौ ब्लकबस्टर फिल्म कुन होला ? उसो त, कात्तिकपछि रिलिजमा आएका केही फिल्मले यो सूचीमा स्थान बनाउने अपेक्षा गरिएको थियो । तर, ती फिल्महरु पनि असफल भएपछि बक्स अफिसमा यो वर्षको पाँचौ ब्लकबस्टरको प्रतिक्षा भइरहेको छ ।

यो वर्ष ‘बोक्सीको घर, १२ गाउँ, छक्का पन्जा ५ र पूर्ण बहादुरको सारंगी’ ब्लकबस्टर भएका थिए । यसपछि भने कुनै पनि फिल्मले यो ट्याग भिर्न सकेका छैनन् । फिल्म ‘एञ्जिला’को व्यापारिक रफ्तार हेर्दा यो सुपरहिट हुने दौडमा देखिएको छ ।

अब, यो वर्ष ‘वसन्त, कर्मा र पिताम्बर’ रिलिजको तयारीमा छन् । यि तिन फिल्मको व्यापार दर्शक, फिल्मीकर्मी र मिडियाकर्मीका लागि प्रतिक्षामा छ । यी तिन फिल्मले व्यापारिक रुपमा सफलता पाउने अपेक्षा गरिएको छ । तर, ब्लकबस्टर नै कुन होला त ? धेरैको चासो छ ।

यदि, यी तिन फिल्मले दर्शकबाट सुखद वर्ड अफ माउथ पाएको खण्डमा यो ट्याग पाउन सक्छन् । तर, हलमा फिल्मको चाप धेरै हुने भएकाले पनि शोजमा भने यी तीनै फिल्मले बाँडफाँड गर्नुपर्नेछ । यस्तो अवस्थामा ब्लकबस्टरको कमाई गर्न यी फिल्महरुलाई गाह्रो पर्ने देखिन्छ ।

तर, नयाँ वर्षको सेरोफेरोमा रिलिज हुन लागेका यी तिनै फिल्मलाई दर्शकले पोजेटिभ साथ दिएको खण्डमा नेपाली फिल्मले पाँचौ ब्लकबस्टर फिल्म नपाउला भन्न सकिन्न ।