आकाशको शरीर फिट, तर फिल्मी करिअर ?

नायक आकाश श्रेष्ठलाई पछिल्ला दुई फिल्ममा दर्शकले केमियो भूमिकामा मात्र देखे । उनले फिल्म ‘बगान र रंगी’मा अभिनय गरेका छन् । तर, यी दुबै फिल्ममा उनको केमियो भूमिका छ ।

कुनै समय फिल्मी पर्दामा छाएका आकाश अहिले हराए जस्तै छन् । उनको हातमा फिल्म नै छैन । मेकरले पनि उनलाई फिल्ममा लिनका लागि कुनै रुची देखाएको पाइदैन । आकाश प्रेमिका करुणा श्रेष्ठको साथमा म्युजिक भिडियोमा नै रमाइरहेको देख्न सकिन्छ ।

नायक श्रेष्ठले हालै मात्र फेसबुकमा सार्वजनिक गरेको तस्वीरमा उनी निकै फिट देखिन्छन् । उनको शरीर सुगठित छ । उसो त आकाशले फिल्ममा आफू चाडै नै देखिन लागेको बताइरहेको पाइन्छ । तर, अझै पनि उनले फिल्म साइन गरेको खबर छैन ।

नायिका पूजा शर्मासँग नजिक हुँदा आकाशको हातमा फिल्म नै फिल्म थियो । तर, अहिले उनको हातमा केही भिडियोबाहेक केही पनि छैन । तर, उनको सुगठित शरीरले भने धेरैलाई प्रभावित बनाएको छ । तर, शारीरिक रुपमा फिट आकाश फिल्ममा भने किन फिट हुन नसकेका होलान् ?