चैत्रको २९ गतेबाट रिलिजमा आउन लागेको फिल्म ‘पिताम्बर’को एक्सन र मेकिङ गज्जब देखिएको ट्रेलर आज सार्वजनिक भयो । बीग मुभिजमा आयोजित ट्रेलर रिलिज कार्यक्रममा फिल्मका अधिकांश कलाकार तथा मेकरहरु उपस्थित थिए ।
केपी फिल्मस्को व्यानरसँग पुरुषोत्तम प्रधान फिल्मस्को सहकार्यमा यो फिल्म निर्माण भएको हो । विशाल चौलागाइको लगानीमा तयार भएको फिल्ममा कृषा चौलागाइको निर्देशन छ ।
यो फिल्ममा पुरुषोत्तम प्रधान, आध्या लामिछाने, आरोह लामिछानेको सह–निर्माण छ ।
सुमन गौतम कार्यकारी निर्माता रहेको फिल्ममा प्रदीप खड्का, दयाहाङ राई, सौगात मल्ल, आर्यन सिग्देल, अनुप विक्रम शाही, सुरक्षा पन्त, गौरी मल्ल, रविन्द्र झा, प्रमोद अग्रहरि, कामेश्वर चौरासिया, टिका पहाडी, सुलभ पहाडी, सुरविर पण्डित, दिव्य देव पन्त, सुपुष्पा भट्ट, दिव्या रायमाझी, गौरव बिष्ट लगायतका कलाकारहरुको अभिनय छ ।
प्रदीप भारद्धाज र अभिमन्यू निरवीको पटकथा तथा संवाद रहेको फिल्ममा पुरुषोत्तम प्रधानको डीओपी, हिमाल केसीको एक्सन, शेरबहादुर लामा र मानकृष्ण महर्जनको छायांकन, बन्दे प्रसादको सम्पादन, आशिष अविरल र बाबुल गिरीको संगीत, कविराज गहतराजको कोरियोग्राफी, श्री श्रेष्ठको एक्सन, साहिल खानको ट्रेलर छ ।
फिल्मको ट्रेलर सार्वजनिक भएसँगै नेपाली फिल्मको मेकिङमा भइरहेको विकासक्रमको चर्चा फेरि सुरु भएको छ । बक्स अफिसमा यो फिल्मले ब्लकबस्टर ओपनिङ गर्ने अपेक्षा गरिएको छ ।
प्रतिक्रिया