काठमाडौं – राष्ट्रिय स्वतन्त्र पार्टीकी सांसद सोविता गौतम १५०औं आईपीयू महासभामा स्वास्थ्यसम्बन्धी समितिको सदस्यमा निर्वाचित भएकी छन्। आईपीयूको शासकीय परिषद्ले उनलाई चार वर्षका लागि अन्य १५ मुलुकका प्रतिनिधिसँगै समितिमा नियुक्त गरेको हो।
महासभाको २१४औं अधिवेशनमा स्वास्थ्यसम्बन्धी सल्लाहकार समूहलाई स्तरोन्नति गर्दै समिति बनाउने निर्णयसँगै यो समिति गठन गरिएको हो। गौतमसँगै भारत, फ्रान्स, केन्या, मेक्सिको, नेदरल्यान्ड्स, स्वीट्जरल्यान्ड, आयरल्यान्ड, नामिबिया, उज्बेकिस्तानलगायतका देशका सांसदहरू पनि सदस्यमा छन्।
यसअघि गौतमले ‘वान योङ्ग वर्ल्ड पोलिटिसियन अफ द एयर–२०२३’ बाट सम्मानित भएकी थिइन् । ब्रेन ड्रेनले ग्रस्त देशका युवाहरूमा सक्रिय राजनीतिमा लाग्न र सकारात्मक परिवर्तनका लागि काम गर्न उप्रेतीले प्रेरित गरेकाले उनलाई सम्मान दिइएको थियो ।
प्रतिक्रिया