काठमाडौँ – रसुवामा साढे सात किलोभन्दा बढी तौल भएको सुन बरामद गरिएको छ। चीनबाट नेपाल ल्याउँदै गर्दा भन्सार नाकामा प्रहरीले उक्त सुन फेला पारेको हो।
रसुवाका प्रमुख जिल्ला अधिकारी अर्जुन पौडेलका अनुसार सात वटा बिस्कुट र केही साना टुक्रामा रहेको सुन साढे सात किलोभन्दा बढी तौलको देखिएको छ। हाल उक्त सुनको परीक्षण प्रक्रिया जारी रहेको छ।
पौडेलले बताएअनुसार स्याउ बोकेको कन्टेनरको चालक सिट नजिकै बनाइएको फल्स बटनभित्र सुन लुकाइएको अवस्थामा फेला परेको हो।
सुन केरुङ सीमावर्ती बजारबाट नेपाल ल्याइँदैछ भन्ने सूचनाका आधारमा प्रहरीले निगरानी बढाउँदै जाँच गर्दा उक्त सुन बरामद भएको हो।
प्रतिक्रिया