काठमाडौं — काठमाडौं महानगरपालिकाका मेयर बालेन शाहले स्रोत अनुमान तथा बजेट सीमा निर्धारण समितिको बैठक असार ४ गतेका लागि बोलाएका छन्। तर, समितिका सदस्य सचिव प्रमुख प्रशासकीय अधिकृत सरोज गुरागाईंलाई समावेश नगरी बैठक डाकिएको स्रोतको दाबी छ।
सदस्य सचिव अनिवार्य उपस्थित हुनुपर्ने व्यवस्थाबीच उनीलाई ‘बाइपास’ गरेपछि बैठकको वैधानिकता र औचित्यमाथि प्रश्न उठेको छ। स्थानीय सरकार सञ्चालन ऐनअनुसार असार १० भित्र बजेट पेश गर्नुपर्ने कानुनी बाध्यताबीच अहिलेसम्म बैठक नबसी महानगरको बजेट प्रक्रिया अन्योलमा परेको छ।
यसअघि कार्यपालिका बैठक झण्डै सात महिनादेखि नबसेको र नगरसभा पनि कानुनी समयसीमा भित्र नबसेको पृष्ठभूमिमा बालेनको यो कदम थप विवादास्पद बन्ने देखिएको छ।
प्रतिक्रिया