सिंहदरबारमा प्रमुख तीन दलका शीर्ष नेताको बैठक, यस्ता छन् एजेन्डा

काठमाडौं – सिंहदरबारमा प्रमुख दलका शीर्ष नेतासहितको बैठक बसेको छ । संक्रमणकालीन न्यायलगायत समसामयिक राजनीतिक विषयमा छलफल गर्न प्रधानमन्त्री केपी ओलीसहित प्रमुख तीन दलका शीर्ष नेताहरुको बैठक बसेको हो ।

प्रधानमन्त्री तथा मन्त्रिरिषद्को कार्यालय, सिंहदरबारमा जारी बैठकमा प्रधानमन्त्री एवं एमाले अध्यक्ष ली, कांग्रेस सभापति शेरबहादुर देउवा, माओवादी अध्यक्ष पुष्पकमल दाहाल प्रचण्डलगायत नेताहरु सहभागी छन् । बैठकमा गृहमन्त्री रमेश लेखक, एमाले नेता अग्नि खरेल, माओवादी उपमहासचिव वर्षमान पुन पनि सहभागी रहेका छन् ।

बिहीबार शीर्ष तीन दलको बैठक बस्ने भनिए पनि माओवादी अध्यक्ष प्रचण्ड उपत्यका बाहिर रहेकाले स्थगित भएको थियो ।