जेनजी पुस्ताको आन्दोलनसामु झुक्यो सरकार, सामाजिक सञ्जाल खुल्यो

काठमाडौं – जेनजी पुस्ताको आन्दोलनसामु सरकारले घुँडा टेकेको छ । सोमबार दिउँसोदेखि सामाजिक सञ्जालमा लगाइएको प्रतिबन्ध खुलेको छ ।

जेनजी पुस्ताको आन्दोलनले सरकारकै वैधता सकिएको भन्दै प्रधानमन्त्रीकै राजीनामा मागेपछि सरकारले प्रतिबन्ध लगाइएको सामाजिक सञ्जाल खुला गरेको हो ।

प्रधानमन्त्री केपी ओलीले सोमबार मन्त्रिपरिषदको बैठक बोलाएका थिए । बैठकले सामाजिक सञ्जालमा लगाएको प्रतिबन्ध फुकुवा गर्ने निर्णय गर्नेछ । तर त्यसअघि नै नेपाल दूरसञ्चार प्राधिकरणले सबै इन्टरनेट सेवा प्रदायक कम्पनीको आइपिएस खुला गरेपछि फेसबुक, ट्विटरलगायत सामाजिक सञ्जाल एक्टिभ देखिएका छन् ।