देउवा परिवारको सम्पत्ति छानबिन : शेरबहादुर, आरजु र जयवीरका बैंक खाता रोक्का गर्ने तयारी

काठमाडौं – नेपाली कांग्रेसका सभापति तथा पूर्व प्रधानमन्त्री शेरबहादुर देउवा, उनकी पत्नी एवं निवर्तमान परराष्ट्रमन्त्री डा. आरजु राणा देउवा र छोरा जयवीर देउवाको बैंक खाता रोक्का गर्ने तयारी भइरहेको छ।

स्रोतका अनुसार, सम्बन्धित निकायले देउवा परिवारका नाममा रहेका बैंक खाता, सेयर कारोबार र जग्गाजमिनको विवरण माग गरेको छ। सो विवरण प्राप्त भएपछि सम्पत्तिको स्रोत र कारोबारको स्वरूपबारे अनुसन्धान अघि बढाइने बताइएको छ।

यसअघि पनि देउवा परिवारको सम्पत्ति विवरणबारे विभिन्न निकायले प्रारम्भिक अध्ययन गर्दै आएको थियो। हालको तयारीलाई त्यही प्रक्रियाको अगाडि बढाइएको चरणका रूपमा हेरिएको छ।

हालसम्म देउवा पक्षले यसबारे आधिकारिक प्रतिक्रिया दिएको छैन।