काठमाडौँ । नेपाली सेनाका सहायक रथी पूर्णबहादुर खत्री उपरथी दर्जामा बढुवा भएका छन्। प्रधान सेनापति अशोकराज सिग्देलले जङ्गी अड्डामा आयोजित कार्यक्रममा खत्रीलाई उपरथी दर्जाको दर्ज्यानी चिन्ह प्रदान गरेका हुन्।
सैनिक जनसम्पर्क तथा सूचना निर्देशनालयका अनुसार सोही कार्यक्रममा महासेनानी दर्जामा पदोन्नति भएका तीन जना प्रमुख सेनानीलाई समेत प्रधान सेनापति सिग्देलले दर्ज्यानी चिन्ह प्रदान गरेका छन्।
नेपाली सेनामा पदोन्नति भएका अधिकृतहरूलाई आयोजित कार्यक्रममा दर्ज्यानी चिन्ह प्रदान गरिएको हो। सहायक रथीबाट उपरथीमा बढुवा भएका खत्रीले अब नेपाली सेनाको उच्च सैनिक नेतृत्व तहमा जिम्मेवारी निर्वाह गर्नेछन्।
कार्यक्रममा पदोन्नति भएका अधिकृतहरूलाई नयाँ दर्जाअनुसारको जिम्मेवारी सफलतापूर्वक निर्वाह गर्न शुभकामना दिइएको विवरणमा उल्लेख छ।
प्रतिक्रिया