काठमाडौँ । सर्वोच्च अदालतमा चार जना नयाँ न्यायाधीश नियुक्त भएका छन्। राष्ट्रपति रामचन्द्र पौडेलले नेपालको संविधानअनुसार चार जनालाई सर्वोच्च अदालतको न्यायाधीश पदमा नियुक्त गरेका हुन्।
शुक्रबार राष्ट्रपति पौडेलको उपस्थितिमा प्रधानन्यायाधीश डा. मनोज शर्माले नवनियुक्त चारै जना न्यायाधीशलाई पद तथा गोपनीयताको शपथ गराएका छन्।
नेपालको संविधानको धारा १२९ को उपधारा (२) बमोजिम न्यायपरिषद्को सिफारिसमा राष्ट्रपति पौडेलले उच्च अदालतका मुख्य न्यायाधीश तथा न्यायाधीशहरूलाई सर्वोच्च अदालतको न्यायाधीश पदमा नियुक्त गरेका हुन्।
नियुक्तिसँगै चारै जना न्यायाधीशले अब सर्वोच्च अदालतको न्यायिक जिम्मेवारी सम्हाल्नेछन्। उनीहरूको नियुक्तिले सर्वोच्च अदालतको न्यायसम्पादन प्रक्रियालाई थप प्रभावकारी बनाउन सहयोग पुग्ने अपेक्षा गरिएको छ।
प्रतिक्रिया