नेपाल वायु सेवा निगम घाटामा पुर्याउने पदाधिकारीलाई कारबाही गर्न सांसद गिरीको माग

काठमाडौं– नेकपा (एमाले) का सांसद पदम गिरीले नेपाल वायु सेवा निगम घाटामा पुर्याउने पदाधिकारीलाई कारबाहीको माग गरेका छन् । प्रतिनिधि सभाको मंगलबार बसेको बैठकमा बोल्दै उनले नेपाल वायु सेवा निगम घाटामा चलिरहेको भन्दै ध्यानाकर्षण गराएका हुन् ।

वायु सेवा निगम २०१५ मा स्थापना भएको र युुरोपलगायत अन्तर्राष्ट्रिय आकाशमा दर्जनौँ उठान भर्ने निगम १० क्षेत्रमा मात्र सिमित भएको जिकिर गरे । नेपाल सरकारले ३६ अर्ब ऋण लिएर जहाज किनेको र त्यस जहाजको साँवा र ब्याज गरेर हाल करिब ५४ अर्ब ऋणमा निगम डुबेको उनले बताए । ‘निगम घुँडा टेक्ने अवस्थामा पुगेको छ । यसको जिम्मेवारी पदाधिकारीहरुले लिनु पर्छ की पर्दैन?’ उनले प्रश्न गरे ।
वायु सेवा निगमका ९ वटा आन्तरिक विमानमध्ये ५ वटा सन् २०१५ मा किनेको र चारवटा ग्राउण्डेड रहेको उनले बताए । उनले भने, ‘एउटा जहाज बाँकी छ त्यसको पनि नियमित उडान छैन ।’

सांसद गिरीले चाडपर्व आउन लागेको बताउँदै दुरदराजका जनतालाई समस्या भएको उनले बताए । सरकारी जहाज नहुँदा निजी जहाज कम्पनीलाई महँगो शुल्क तिर्न जनता बाध्य रहेको उनले बताए । निगमका दुईवटा हजाज इटालीमा सि–चेकका लागि ८० दिनदेखि रहेको उनले बताए । ‘तीस दिनमा सि–चेक गरेर फर्किसक्नुपर्ने । दुईवटा जहाजले एक दिन उडान नभर्दा ४ करोड दैनिक घाटा भएको छ।’

उनले घाटामा गएको वायु सेवा निगमको हिस्सा सन् २०२० मा २४ प्रतिशत रहेकोमा हाल १२ प्रतिशतमा झरेको उनले बताए । उडान तर्फको बजार हेर्दा १ प्रतिशतमा झरेको उनले सुनाए । नेपाल वायु सेवा नियमको यस्तो अवस्थामा पु¥याउनेहरुको कारबाही गर्न उनले आवश्यक रहेको बताएका छन् । पदाधिकारीहरुले के गरिरहेका छन् भन्ने विषयमा संसदीय छानबिन समितिदे छानबिन गर्नुपर्ने उनले संसदमा माग गरेका छन् ।