काठमाडौं । खाना पकाउने ग्यासको माग बढेसँगै शनिबार विभिन्न बिक्री केन्द्रमा उपभोक्ताको लामो लाइन लागेको छ। ग्यास नपाएका उपभोक्ता बिहान ८ बजेदेखि नै बिक्री केन्द्रमा पुगेर सिलिन्डर लिन लाइनमा बसेका थिए।
नेपाल आयल निगमका अनुसार काठमाडौंमा शनिबार दिनभर ६ हजार ८०२ सिलिन्डर ग्यास बिक्री तथा वितरण गरिएको छ। ग्यास वितरणका लागि तोकिएका पाँच बिक्री केन्द्रबाट मात्रै ५ हजार ९७२ सिलिन्डर बिक्री भएका छन्।
निगमको तथ्यांकअनुसार सबैभन्दा धेरै ग्यास टेकुस्थित निगमको परिसरबाट २ हजार २९० सिलिन्डर वितरण गरिएको छ। अन्य बिक्री केन्द्रमा पनि बिहानैदेखि उपभोक्ताको भीड लागेको थियो।
ग्यास नपाएका कारण लामो समयदेखि समस्यामा रहेका उपभोक्ताले बिक्री केन्द्रमा पुगेर सिलिन्डर लिनुपर्ने अवस्था आएको हो। बिहानैदेखि लाइन लागेका कतिपय उपभोक्ताले सहज रूपमा ग्यास उपलब्ध गराउनुपर्ने माग गरेका छन्।
निगमले उपभोक्ताको मागलाई ध्यानमा राख्दै विभिन्न बिक्री केन्द्रमार्फत ग्यास वितरण गरेको जनाएको छ। शनिबारको ठूलो परिमाणको बिक्रीले काठमाडौंमा ग्यासको माग उच्च रहेको देखाएको छ। आगामी दिनमा पनि आवश्यकता र मागअनुसार ग्यास वितरणलाई निरन्तरता दिने तयारी निगमको छ। मा खाना पकाउने ग्यासको माग बढेसँगै शनिबार विभिन्न बिक्री केन्द्रमा उपभोक्ताको लामो लाइन लागेको छ। ग्यास नपाएका उपभोक्ता बिहान ८ बजेदेखि नै बिक्री केन्द्रमा पुगेर सिलिन्डर लिन लाइनमा बसेका थिए।
प्रतिक्रिया