खोलामा डुबेका एक व्यक्तिको मृत्यु

वीरगञ्ज । पर्साको विन्दवासिनी गाउँपालिका–२ स्थित ढोङ्गही खोलामा डुबेर ६० वर्षीय ब्रह्मदेव राउत अहिरको मृत्यु भएको छ ।

बहुदरमाई नगरपालिका–१ निवासी राउत भैँसी चराउन गएका बेला खोलामा बेपत्ता भएका थिए । स्थानीयले खबर गरेपछि सशस्त्र प्रहरी र नेपाल प्रहरीको संयुक्त टोलीले खोजी गर्दा उनलाई खोलामा मृत अवस्थामा फेला पारेको हो ।

सशस्त्र प्रहरी नायब उपरीक्षक सञ्जय रेग्मी र प्रहरी निरीक्षक प्रदीप पौडेलको नेतृत्वमा खटिएको टोलीले शव निकालेर मुचुल्का उठाई परीक्षणका लागि नारायणी अस्पताल पठाएको सशस्त्र प्रहरी नायब उपरीक्षक मोहनराज निरौलाले जानकारी दिए ।