काठमाडौँ । चीनले नेपाललाई दुईवटा बेली पुल हस्तान्तरण गरेको छ। विपद्का कारण क्षतिग्रस्त सडक तथा आवागमन पुनः सञ्चालनमा सहयोग पुर्याउने उद्देश्यले चीनले नेपाललाई बेली पुल उपलब्ध गराएको हो।
बेली पुल हस्तान्तरणसम्बन्धी कार्यक्रममा नेपाल र चीनका अधिकारीहरूको सहभागिता रहेको थियो। कार्यक्रममा सम्बन्धित अधिकारीहरूले आवश्यक कागजातमा हस्ताक्षरसमेत गरेका छन्।
बाढीपहिरो तथा अन्य प्राकृतिक विपद्का कारण विभिन्न क्षेत्रमा पुल तथा सडक संरचनामा क्षति पुगेपछि तत्काल यातायात सञ्चालनका लागि बेली पुलको आवश्यकता देखिएको छ। चीनबाट प्राप्त पुलले त्यस्ता प्रभावित क्षेत्रमा आवागमन सहज बनाउन सहयोग पुग्ने अपेक्षा गरिएको छ।
नेपालतर्फबाट चीनको सहयोगप्रति धन्यवाद व्यक्त गर्दै विपद्पछिको पुनःस्थापना तथा पूर्वाधार पुनर्निर्माणमा प्राप्त सहयोग महत्वपूर्ण हुने बताइएको छ।
चीनले नेपालमा विपद् व्यवस्थापन तथा पूर्वाधार पुनर्निर्माणका क्षेत्रमा गर्दै आएको सहयोगअन्तर्गत दुईवटा बेली पुल हस्तान्तरण गरेको हो।
प्रतिक्रिया