मधेश, मधेश भन्नेहरुलाई प्रधानमन्त्रीले दिए यस्तो जवाफ–कहाँ थियो मधेश भन्ने देश, वाहियात कुरा गर्ने ?
प्रधानमन्त्री केपी शर्मा ओलीले मधेशका नाममा विखण्डनकारीको चलखेल देखा परेको भन्दै मधेश भन्ने देश कहाँ थियो ? भन्दै प्रश्न गरेका छन् । प्रदेश नम्वर ३ को संसदलाई सोमबार सम्वोधन गर्दै प्रधानमन्त्री ओलीले विखण्डनकारी र देशद्रोहीलाई सहन नसकिने बताएका छन्।
देशलाई विकास र सम्वृद्धिको बाटोमा लैजान हतार भएको बताउँदै प्रधानमन्त्री ओलीले नेपालमा अब हिंसा जरुरी नभएको बताए। उनले विप्लव नेतृत्वमा रहेको नेकपा माओबादीलाई हिंसाका गतिविधि छाड्न आग्रह गरेका छन्। ‘आफैं बुद्धि बिग्रिएको हो भने सच्याउनू। अर्काको लहैलहैमा लागेको हो भने पनि हिंसा छोड्नु’, उनले भने। हिंसा र विखण्डकारी चाहने तत्वलाई रोकिछाड्ने पनि उनले बताए।