सेन्टी भाइरसले तहल्का मच्चाए पछि हल पुगेका धुर्मुस–सुन्तलीलाई दर्शकले बोकेर उफारे…..(भिडियो सहित)

शुक्रबारदेखि नयाँ चलचित्र ‘सेन्टी भाइरस’ रिलिज भएको छ । रामबाबु गुरुङको निर्देशनमा तयार भएको यो चलचित्रले राजनीतिक घटनाक्रमको कथालाई उठान गरेको छ । चलचित्रमा सिताराम कट्टेल, कुञ्जना घिमिरे, दयाहाङ राई, वुद्दि तामाङ लगायतका कलाकारको मुख्य भूमिका छ ।

गोपिकृष्ण हल पुगेका मुख्य कलाकार सिताराम र कुञ्जनालाई दर्शकले स्वागत गरे । उनीहरुले ‘सेन्टी भाइरस’की जय भन्दै नारा लगाएका थिए । दर्शकले माया दिएपछि सिताराम र कुञ्जनाले ‘अन्तरराष्ट्रिय क्रिकेट रंगशाला’ निर्माणमा सहयोग गरेको भन्दै दर्शकलाई धन्यवाद दिएका थिए । यो चलचित्रले सिंगल र मल्टिप्लेक्समा सुखद सुरुवात गरेको छ । देशभर उच्च शो पाएको चलचित्रको मल्टिप्लेक्समा दर्शकको चाप सुखद छ ।