विश्व कप क्रिकेटमा आज भारत र इङ्ल्यान्ड खेल्दै

काठमाण्डाै, कार्तिक १२ । आईसीसी एकदिवसीय विश्वकप क्रिकेटमा आज भारत र इङ्ल्यान्ड खेल्दैछन् । खेल दिउँसो सवा २ बजे शुरु हुनेछ ।

भारत ५ खेलमा १० अङ्कसहित तालिकाको दोस्रो स्थानमा छ । जारी विश्व कपमा अहिलेसम्म अपराजित रहने भारत एक मात्र टोली हो ।

इङ्ल्यान्ड भने समान पाँच वटै खेलमा २ अङ्कसहित तालिकाको पुछारमा रहेको छ । भारत र इङ्ल्यान्डबीच भएका पछिल्लो पाँच वटा खेलमा भारतले तीन वटा र इङ्ल्यान्डले दुई वटा खेल जितेका छन् ।