काठमाडौं– आइसिसी टि–२० विश्वकपको वार्म अप अन्तर्गत दोस्रो खेलमा आज नेपालले अमेरिकासँग खेल्दैछ । संयुक्त राज्य अमेरिकाको डालासस्थित ग्रान्ड प्रेरी क्रिकेट मैदानमा आज नेपालले अन्तिम वार्म अप खेल्न लागेको हो ।
खेल नेपाली समय अनुसार साँझ ९ः१५ अर्थात् स्थानिय समय अनुसार बिहान १०ः ३० बजे सुरु हुनेछ। यसअघि पहिलो वार्म अप खेलमा नेपालले सोमबार क्यानडासँग खेलेको थियो । जसमा नेपाल क्यानाडासँग ६३ रनले पराजित भएको थियो।
आइसिसी टि–२० विश्वकप जुन १ बाट सुरु हुँदैछ । नेपालले विश्वकपको पहिलो खेल जुन ४ मा नेदरल्यान्ड्ससँग खेल्ने तालिका छ ।
प्रतिक्रिया