विश्वकपमा हरेक रनलाई हजार र विकेटलाई १५ हजार दिने वाइवाइको घोषणा

काठमाडौं– नेपाली क्रिटेट टोलीलाई वाइवाइले हरेक जीतवापत १ लाख ५० हजार रुपैयाँ उपलब्ध गराउने घोषणा गरेको छ । आइतबारदेखि सुरु भएको आइसिसी टि–२० विश्वकप २०२४ मा नेपाली क्रिकेट टोलीको हरेक जीतवापत सो रकम उपलब्ध गराउने वाइवाइले घोषणा गरेको हो ।

यस्तै हरेक सतक पु¥याएवापत खेलाडीलाई एक लाख रुपैयाँ उपलब्ध गराउने घोषणा वाइवाइले घोषणा गरेको छ । अर्धसतक प्रहार गर्ने नेपाली खेलाडीलाई ५० हजार रुपैयाँ प्रदान गर्ने वाइवाइले जनाएको छ ।

प्रत्येक विकेटमा १५ हजार, हरेक छक्कामा १२ हजार, हरेक चौका ८ हजार र हरेक रनमा एक हजार रुपैयाँ वाइवाइले प्रदान गर्ने उल्लेख गरेको छ ।

नेपाली क्रिकेट संघलाई खेलाडी र क्रिकेटको विकासको लागि वाइ वाइको तर्फबाट साथ रहेको जनाउँदै सो रकम प्रदान गर्न लागेको वाइवाइले जनाएको हो ।