महादेवस्थानको एक गोदाममा आगालागी: दुईजना घाइते

काठमाडौं– कोटेश्वरको महादेवस्थानमा बुधबार दिउँसो आगलागी भएको छ । महानगरीय प्रहरी वृत्त बानेश्वरका डीएसपी शिवराज बुढाथोकीका अनुसार महादेवस्थानमा रहेको किराना होलसेल गोदाममा आगालागी भएको हो ।

आगालागीमा गोदामकै दुई जना कर्मचारीसमेत घाइते भएका छन् । घाइते हुनेहरुमा धनुषा घर भई कालिमाटी बस्दै आएका २३ वर्षीय बिक्कर लामा र भक्तपुरको सूर्यविनायक–६ घर भएका २८ वर्षीय उदय श्रेष्ठ छन् ।

घाइते दुबै जनाको अवस्था सामान्य रहेको र उनीहरुको तीनकुनेकै कान्तिपुर अस्पतालमा उपचार भइरहेको छ । प्रहरी, नेपाली सेना, सशस्त्र प्रहरी र स्थानीयको सहयोगमा आगो नियन्त्रणको प्रयास भइरहेको छ ।