एकैदिन दुई हजारले घट्यो सुनको मुल्य

काठमाडौं– आज नेपाली बजारमा सुनको मूल्य तोलाको २ हजार रुपैयाँले घटेको छ । लगातर चारदिनकोे रेकर्ड राखेको सून बिहीबार ३०० रुपैयाँले घटेको थियो । आज पुन सूनको मुल्य २ हजार रुपैयाँले घटेको हो ।

नेपाल सुन चाँदी व्यवसायी महासंघका अनुसार आज छापावाला सुनको भाउ प्रतितोला १ लाख ४७ हजार ५०० रुपैयाँमा कायम भएको छ । बिहीबार छापावाला सुनको भाउ प्रतितोला १ लाख ४९ हजार ५०० रुपैयाँमा कारोबार भएको थियो ।

यस्तै आज प्रतितोला तेजाबी सुनको मुल्य १ लाख ४६ हजार ९०० रुपैयाँमा कारोबार भइरहेको छ ।

यस्तै, आज चाँदीको मुल्य पनि घटेको छ । बिहीबार प्रतितोला १ हजार ८६० रुपैयाँमा कारोबार भएको चाँदी आज १ हजार ८३० रुपैयाँमा कारोबार भइरहेको छ ।