काठमाडौं– एसिसी महिला एसिया २०२४ अन्तर्गत समूह चरणको अन्तिम खेलमा नेपालले आज भारतको सामना गर्दैछ । खेल नेपाली समय अनुसार बेलुका ७ः१५ बजे श्रीलंकास्थित दाम्बुलामा सुरु हुनेछ ।
समूह ए को अन्तिम खेल बाँकी रहँदा नेपाल र पाकिस्तानको समान २–२ अंक छ । भारतले २ खेल जितेर ४ अंक जोड्दै शीर्ष स्थानमा छ। युएईले–२ खेलमा हार व्यहोरेर अंक जोड्न सकेको छैन ।
नेपाललाई सेमिफाइनलमा पुग्नका लागि आज भारतसँगको खेल जित्नु पर्नेछ । तर भारतसँग जीत्न नेपालका लागि निकै कठिन रहेको छ ।
समूह चरणको अन्तिम खेलमा आजै पाकिस्तानले युएईविरुद्ध खेल्नेछ । आजका सो दुई खेलको नतिजाले समूहमा दोस्रो हुँदै सेमिफाइनलमा पुग्ने टोलीको निर्धारण गर्नेछ । पाकिस्तानले युएई विरुद्ध जित हासिल गरेमा नेपालले भारतलाई हराउनुपर्ने छ । यदी पाकिस्तानले हार व्यहोरेमा भने नेपाल भारतसँग पराजित भएपनि , पाकिस्तान र युएईसँग नेटरनरेटमा प्रतिस्पर्धा हुनेछ ।
प्रतिक्रिया