काठमाडौं– नेपाल काभा महिला भलिबल नेसन्स लिगको फाइनलमा प्रवेश गरेको छ । मंगलबार भएको दोस्रो सेमिफाइनलमा इरानविरुद्ध ३–० सेटमा जित निकाल्दै नेपालले प्रतियोगिताको फाइनलमा स्थान सुनिश्चित गरेको हो ।
त्रिपुरेश्वरस्थित दशरथ रंगशालाको कभर्ड हलमा भएको सेमिफाइनलमा नेपालले इरानविरुद्ध पहिलो सेट २५–१५ र दोस्रो सेट २८–२६ ले जितेको थियो । अन्तिम सेटमा नेपालले २५–२० ले स्कोर आफ्नो पक्षमा राख्दै फाइनल यात्रा तय गरेको हो ।
यसअघि भारत श्रीलंकालाई ३–० को सेटमा हराउँदै सेमिफाइनमा प्रवेश गरिसकेको छ । अब भोली हुने फाइनलमा नेपाल र भारत प्रतिस्पर्धा गर्दैछन् ।
प्रतियोगितामा नेपाल, भारत, इरान, माल्दिभ्स र श्रीलंका सहभागी थिए । भारत लिग चरणको विजेताको रूपमा सेमिफाइनलमा प्रवेश गरेको थियो भने नेपाल इरानसँग पराजित भएर दोस्रो हुँदै सेमिफाइनमा प्रवेश गरेको थियो । इरान र श्रीलंका क्रमशः तेस्रो र चौँथो हुँदा माल्दिभ्स कुनैपनि खेल नजित्दै बाहिरिएको थियो ।
प्रतिक्रिया