काठमाडौं– नेपालको आगामी त्रिकोणात्मक एक दिवसीय अन्तर्राष्ट्रिय (ओडीआई) सिरिजको खेल तालिका सार्वजनिक भएको छ । नेपाल क्रिकेट संघ (क्यान) ले विश्वकप लिग टु अन्तर्गत क्यानडामा आयोजना हुने उक्त सिरिजको तालिका सार्वजनिक गरेको हो ।
सिरिजअन्तर्गत नेपाल, क्यानडा र ओमानबीच खेल हुन लागेको हो । उक्त तालिकाअनुसार पहिलो खेल नेपाल र क्यानडाबीच हुने क्यानले जनाएको छ । १६ सेप्टेम्बरमा हुने पहिलो खेलमा नेपाल आयोजक क्यानडाविरुद्ध भिड्नेछ । त्यस्तै १८ सेप्टेम्बरमा नेपालले ओमानको सामना गर्नेछ ।
२२ सेप्टेम्बरमा पुनः नेपाल र क्यानडाबीच खेल हुनेछ भने २४ सेप्टेम्बरमा ओमान र नेपालबीचको खेल हुनेछ ।
ओडीआई सिरिज सकिएको २ दिनपछि तीनवटै टोलीबीच टी–२० अन्तर्राष्टंरिय सिरिज हुने भएको छ । टी–२० मा पनि नेपालले घरेलु टोली क्यानडाको सामना गर्नेछ ।
प्रतिक्रिया