नेपाल प्रिमियर लिगको ८ टोलीका मार्की खेलाडीको नाम घोषणा

काठमाडौं– नेपाल प्रिमियर लिग (एनपिएल) को ८ टोलीका मार्की खेलाडीको नाम घोषणा गरेको छ ।

नेपाल क्रिकेट संघ (क्यान) ले रोहित कुमार पौडेल, दीपेन्द्र सिंह ऐरी, सन्दीप लामिछाने, सोमपाल कामी, करण केसी, आसिफ सेख, कुशल भुर्तेल र कुशल मल्ललाई ८ मार्की खेलाडीका रुपमा घोषणा गरेको हो । पछिल्लो समयका खेलहरुमा गरेको प्रदर्शन हेरेर खेलाडीहरुको घोषणा गरिएको क्यानले जनाएको छ ।

पहिलो संस्करणको एनपिएल मंसिर १५ देखि पुस ६ सम्म आयोजना हुँदैछ । केही दिन अघि एनपिएलमा सहभागी रहने ८ फ्रेन्चाईजीलाई विभिन्न व्यापारीक घरानाहरुले आफ्नो स्वामित्वमा लिएका थिए ।