सुदूरपश्चिम रोयल्सले सार्वजनिक गर्यो पहेँलो रंगको जर्सी
काठमाडौं– नेपाल प्रिमियर लिग (एनपीएल) को फ्रेन्चाइज टोली सुदूरपश्चिम रोयल्सले आफ्नो जर्सी सार्वजनिक गरेको छ ।
मंगलबार सुदूरपश्चिमले आफ्नो जर्सी सार्वजनिक गरेको हो । यस टोलीको जर्सी पहेँलो रंगको रहेको छ । जर्सी सार्वजनिक कार्यक्रममा मार्की खेलाडी दीपेन्द्र सिंह ऐरीको ४५ नम्बरको जर्सी ड्रोनले मञ्चसम्म ल्याएको थियो ।
मार्की खेलाडी ऐरी रहेका सुदूरपश्चिम रोयल्सको मुख्य प्रशिक्षकमा जगत टमाटा छन् । सुदूरपश्चिममा यूएईका रोहन मुस्ताफा, न्युजिल्यान्डका स्कट कुगेलेइन, इंग्लिस क्रिकेटर सेफ अली जेब र स्कटल्यान्डका ब्रान्डन म्याकमुलेन जस्ता विदेशी खेलाडी अनुबन्ध भइसकेका छन् ।
यस्तै, प्रमुख मेन्टरमा अस्ट्रेलियाका विश्वकप विजेता पूर्व क्रिकेटर ब्राड हगलाई नियुक्त गरिएको छ ।