आज सुनकोे भाउः एक लाख ६७ हजार २००

काठमाडौं– नेपाली बजारमा सुनको मूल्य पुन उकालो लाग्न थालेको छ । यसै क्रममा आज सूनको मूल्य एक हजार सात सय रुपैयाँ बढेको छ । आइतबार सुनको मूल्य एक लाख ६७ हजार दुई सय रुपैयाँ पुगेको नेपाल सुनचाँदी व्यवसायी महासङ्घले जनाएको छ ।

यसअघि शुक्रवार सुनको भाउ तोलाको एक लाख ६५ हजार पाँच सय रुपैयाँ रहेको थियो । सो दिन पनि सूनको मूल्य तोलामा एक हजार पाँच सय रुपैयाँले बढेको थियो । अघिल्लो महिना अन्तिम हप्ता लगातार घटेर तोलाको एक लाख ६० हजार रुपैयाँमा झरेको सुन मंसिर लागेसँगै फेरी निरन्तर बढेको हो ।

आज चाँदीको मूल्य पनि बढेको महासंघले जनाएको छ । चाँदी तोलामा २० रुपैयाँले बढेर एक हजार नौ सय ६० रुपैयाँमा कारोबार भइरहेको महासङ्घले जनाएको छ ।