ब्लाइन्ड टि–२० क्रिकेट विश्वकपमा नेपालको पहिलो जित, अफगानस्थानलाई १०८ रनले हराउन सफल

काठमाडौं– पाकिस्तानमा जारी नेत्रहीन टि–२० क्रिकेट विश्वकपमा नेपालले पहिलो जित निकालेको छ। सोमबार भएको आफ्नो तेस्रो खेलमा नेपालले अफगानिस्तानलाई फराकिलो अन्तरले हराउँदै पहिलो जित दर्ता गरेको हो ।

नेपालले अफगानस्तानलाई १०८ रनले हराएको छ । पहिले ब्याटिङ गरेको नेपालले अफगानस्तानको सामु २२९ रनको लक्ष्य पेश गरेको थियो । अफगानिस्तान २० ओभरमा ९ विकेट गुमाएर १२० रन मात्र बनाउन सफल भयो ।

अफगानस्तानका लागि अबसिन सेलाबले सर्वाधिक ५३ रन बनाएका थिए ।

नेपालका सुनिल मगरले ४ ओभरमा १८ रन दिएर ३ विकेट लिए । त्यस्तै भरत थापा, सुनिल क्षेत्री र अमिश गुरागाईंले एक÷एक विकेट लिए ।

त्यसअघि टस हारेर पहिले ब्याटिङको निम्तो पाएको नेपालले २० ओभरमा २ विकेट गुमाएर २२८ रन बनाएको थियो । नेपालका पदम बढाइलाले ५१ बलमा अविजित ९२ रन बनाए भने नरेश चौधरीले ६२ बलमा ७२ रन बनाए ।

यसअघि नेपाल श्रीलंका र बंगलादेशसँगको खेलमा भने पराजित भएको थियो । अब नेपालले भोलि दक्षिण अफ्रिकासँग खेल्दैछ । उक्त खेल जित्दै सेमिफाइनलमा स्थान बनाउने नेपाली टोलीको लक्ष्य हुनेछ ।